Yangiliklar

“Ҳуқуқий билимлар” уқув машғулотида

26/07/2019
rsem

Ўзбекистон Республикаси Адлия вазирлиги Х.Сулаймонова номидаги республика суд экспертизаси маркази суд қурилиш-техникавий экспертизаси бўлими эксперти Ҳ.Қ.Қосимова томонидан 2019 йил 25 июль куни “Ҳуқуқий билимлар” уқув машғулотида Ўзбекистон Республикаси Президентининг
2019 йил 27 июнда қабул қилинган “Ўзбекистон Республикаси Президенти ҳузуридаги давлат бошқарув академиясида бошқарув кадрларини тайёрлаш, қайта тайёрлаш ва малакасини ошириш тизимини такомиллаштиришга доир қўшимча чора-тадбирлар тўғрисида”ги Қарорининг мазмун-моҳияти ҳақида маъруза ўқиди.

Маърузада Ўзбекистон Республикаси Президентининг 2017 йил
8 августдаги «Ўзбекистон Республикаси Президенти ҳузуридаги Давлат бошқаруви академиясида бошқарув кадрларини тайёрлаш, қайта тайёрлаш ва малакасини ошириш тизимини янада ривожлантириш чора-тадбирлари тўғрисида»ги ПФ-5139-сон Фармонига мувофиқ, шунингдек, бошқарув кадрларини тайёрлаш, қайта тайёрлаш ва малакасини ошириш тизимини янада ривожлантириш, давлат ва хўжалик бошқаруви органларида кадрлар билан таъминланганлик даражасини кучайтириш мақсадлари ёритиб берилди.

Яъни 2019/2020 ўқув йилидан бошлаб:

Ўзбекистон Республикаси Президенти ҳузуридаги Давлат бошқаруви Академиясида (кейинги ўринларда — Академия) бошқарув кадрларини тайёрлаш давлат, хўжалик ва жамият бошқарувининг талаб этилган ва истиқболли йўналишлари бўйича грант ва тўлов-контракт асосларида, ишлаб чиқаришдан ажралган ҳолда бир йиллик ва ишлаб чиқаришдан ажралмаган ҳолда икки йиллик магистратуранинг таълим дастурлари бўйича амалга оширилиши ҳамда давлат намунасидаги диплом топширилиши;

Академия магистратурасига ва қайта тайёрлаш курсларига қабул қилиш фақат давлат ҳокимияти ва бошқаруви органлари, давлат ташкилотлари, хўжалик бошқаруви органлари ҳамда республика нодавлат нотижорат ташкилотлари томонидан тавсия этилган шахслар орасидан, жойларда номзодларни бирламчи саралаб олиш ва кейинчалик Академияда тест синовлари ва суҳбат ўтказиш йўли билан танлов асосида амалга оширилиши;

Академия магистратураси ва қайта тайёрлаш курслари тингловчилигига номзодлар учун қўйиладиган талаблар Ўзбекистон Республикаси Президентининг қарори билан тасдиқланиши;

б) Академия магистратураси ва қайта тайёрлаш курслари битирувчиларини раҳбарлик лавозимларига тақсимлаш чораларини амалга ошириш Ўзбекистон Республикаси Президенти маслаҳатчиларининг бўлинмалари томонидан Ўзбекистон Республикаси Президенти Администрацияси раҳбариятининг умумий мувофиқлаштириши остида амалга оширилиши;

в) бошқарув кадрларининг малакасини ошириш курслари илғор хорижий тажрибани инобатга олган ҳолда амалга оширилади ҳамда инновацион давлат бошқаруви, стратегик режалаштириш ва прогнозлаштириш (foresight), давлат хизматларини такомиллаштириш, ақлли бошқарув ва рақамлаштириш соҳасидаги ўқув дастурларини ўз ичига олиши.

  1. Академия томонидан давлат ҳокимияти ва бошқаруви органлари, давлат ташкилотлари, хўжалик бошқаруви органлари ҳамда республика нодавлат нотижорат ташкилотларининг бошқарув кадрларига бўлган жорий ва истиқболдаги эҳтиёжлари асосида Академияга 2019/2020 ўқув йили учун қабул квоталари шакллантирилганлиги.
  2. 2019/2020 ўқув йили учун қабул квоталари:

Ишлаб чиқаришдан ажралган ҳолда «Давлат бошқаруви» мутахассислиги бўйича Академия магистратураси учун 90 нафар, шу жумладан давлат грантлари асосида — 36 нафар ва тўлов-контракт асосида — 54 нафар;

Ишлаб чиқаришдан ажралмаган ҳолда «Давлат бошқаруви» мутахассислиги бўйича Академия магистратураси учун 30 нафар, шу жумладан давлат грантлари асосида — 12 нафар ва тўлов-контракт асосида — 18 нафар;

Ишлаб чиқаришдан ажралган ҳолда «Давлат бошқаруви» мутахассислиги бўйича Академия бошқарув кадрларини қайта тайёрлаш курслари учун 60 нафар, шу жумладан давлат грантлари асосида — 24 нафар ва тўлов-контракт асосида — 36 нафар;

Ишлаб чиқаришдан ажралмаган ҳолда «Давлат бошқаруви» мутахассислиги бўйича Академия бошқарув кадрларини қайта тайёрлаш курслари учун 90 нафар, шу жумладан давлат грантлари асосида — 36 нафар ва тўлов-контракт асосида — 54 нафар этиб белгиланганлиги.

  1. Академия ректорига номзодларнинг якуний баҳосини ҳисобга олган ҳолда Академияга қабул қилиш параметрларига белгиланган умумий квоталар доирасида ўзгартириш киритиш ҳуқуқи берилганлиги.
  2. Академиянинг магистратураси ва бошқарув кадрларини қайта тайёрлаш курсларига давлат грантлари асосида қабул қилинган шахсларнинг таҳсил олиши Ўзбекистон Республикаси Давлат бюджети маблағлари ҳисобидан амалга оширилиши белгиланлиги.
  3. Академия манфаатдор вазирлик ва идоралар билан биргаликда икки ой муддатда Ўзбекистон Республикаси Вазирлар Маҳкамасига:

а) қуйидагиларни назарда тутувчи норматив-ҳуқуқий ҳужжат лойиҳасини:

бошқарув кадрларининг малакасини ошириш тизимини янада такомиллаштириш;

вазирлик ва идоралар хусусиятидан келиб чиққан ҳолда малака ошириш курсларининг камида 30 та ўқув дастурларини ишлаб чиқиш;

Ўзбекистон Республикаси Вазирлар Маҳкамаси ҳузуридаги Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармасида давлат органлари эҳтиёжлари асосида хорижий мамлакатларда ўқитиш учун истиқболли кадрлар маълумотлар базасини яратиш;

б) қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни киритишни.

  1. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчилари Р.С. Қосимов ва У.С. Исмоилов зиммасига юклатилганлиги хақида маълумотлар бериб ўтилди.

 

СҚТЭ бўлим эксперти Ҳ.Қ.ҚОСИМОВА

Skip to content