Lok-bo‘yoq materiallari va qoplamalarining ekspertizasi

 Yo‘l-transport hodisalari oqibatida odamni bosib yoki urib ketish, tunash, o‘g‘irlik va transport vositalarining bir-biri bilan o‘zaro to‘qnashishi kabi ko‘pgina jinoyatlarni tekshirishda  lok-bo‘yoq materiallari va qoplamalarining ashyoviy dalil sifatidagi o‘rni alohida ahamiyatga ega.

Bu kabi ishlar bo‘yicha tayinlanadigan loq-bo‘yok materiallari kriminalistik ekspertizaning vazifasi ish holatlari bilan belgilanadi.  Tergov organlarini ko‘pincha buyumlarning bir-biri bilan o‘zaro aloqada bo‘lgani qiziqtiradi, chunki bu jinoyat vaziyatlarini aniqlashga yordam beradi. Masalan, yo‘lovchini avtomobil urib ketish bilan bog‘liq yo‘l transport hodisalari bo‘yicha gumonlangan transport vositasidan loq-bo‘yoq zarralari jabrlanuvchining kiyimida aniqlanishi ushbu transport vositasi hodisaga aloqadorligini tasdiqlovchi muhim dalil bo‘ladi.

Lok-bo‘yoq mahsulotlari va qoplamalari kriminalistik tadqiqoti materiallar, ashyolar va buyumlar kriminalistik ekspertizasi doirasida o‘tkaziladi. Bunda kompleks uslublar o‘rnini bosuvchi yoki bir-birini to‘ldiruvchi usullar ko‘llaniladi.