Очиқ маълумотлар

Adliya vazirligi huzuridagi X.Sulaymonova nomidagi Respublika sud ekspertizasi markazining byudjet va byudjetdan tashqari mablag‘lari hisobiga amalga oshirilgan davlat xaridlari to‘g‘risida MA’LUMOT 2020 yil 1 oktyabr holatida

Adliya vazirligi huzuridagi X.Sulaymonova nomidagi Respubliga sud ekspertizasi markazining 2020 yil 1 oktyabr holatida byudjetdan ajratilgan mablag‘larning ijrosi bo‘yicha MA’LUMOT

Adliya vazirligi huzuridagi X.Sulaymonova nomidagi Respubliga sud ekspertizasi markazining 2020 yil 1 oktabr holatida Adliya vazirligining Adliya organlari va muassasalarini rivojlantirish jamg‘armasi xisob raqamining daromablari va xarajatlari to‘g‘risida MA’LUMOT

Markaz va uning viloyat bo‘limlari tomonidan 2020 yil davomida quyidagi ishlar amalga oshirildi.

Ekspertlik faoliyati bo‘yicha hisobot davrida jami 33 767 ta
(o‘tgan yildan qoldiq 1 684 ta bilan birga) ekspertizalar tayinlandi, shundan 28 678 tasi bo‘yicha xulosalar berildi, 3 398 ta ekspertizalar ijrosiz qoldirilib, ekspertiza tayinlagan organlarga qaytarildi, 1 691 ta ekspertizalar yuzasidan tadqiqotlar o‘tkazish davom etmoqda.

Markazning laboratoriya va bo‘limlari tomonidan bajarilgan jami 12 529 ta ekspertizalarning 10 772 tasi (86 foizi) 6 ta laboratoriyalar ya’ni Sud-avtotexnika ekspertizasi laboratoriyasi 2 964 ta (23,6 foiz), Hujjatlar kriminalistika ekspertizasi laboratoriyasi 2 067 ta
(16,5 foiz), Odam DNKsi sud-biologik ekspertizasi laboratoriyasi 1 598 ta (12,8 foiz), Materiallar, ashyolar va buyumlar kriminalistik ekspertizasi laboratoriyasi 1 468 ta (11,7 foiz), Sud-qurilish texnik ekspertizasi laboratoriyasi 1 422 ta (11,4 foiz) va Sud-ballistika va izshunoslik ekspertizasi laboratoriyasi 1 253 ta (10 foiz) tomonidan va qolgan
14 foiz ekspertizalar 4 ta bo‘lim va laboratoriyalar ya’ni, Sud-fonografiya ekspertizasi laboratoriyasi, Tovarshunoslik ekspertizasi bo‘limi, Yong‘in-texnik ekspertizasi laboratoriyasi va Sud-iqtisodiy ekspertizasi bo‘limi hissasiga to‘g‘ri keldi.

Markazning viloyat bo‘limlari tomonidan bajarilgan jami 15 823 ta ekspertizalarning 11 272 tasi 71,2 foizi 3 ta viloyat bo‘limlari ya’ni, Samarqand viloyati 6 068 ta (38,3 foiz), Qashqadaryo viloyati 3 742 ta
(23,6 foiz), Andijon viloyati 1 025 ta (9,2 foiz) bo‘limlari, 29,9 foiz ekspertizalar 9 ta viloyat bo‘limlari ya’ni, Qoraqalpog‘iston Respublikasi, Buxoro, Jizzax Navoiy, Namangan, Sirdaryo, Surxondaryo, Farg‘ona, Xorazm viloyat bo‘limlari hissasiga to‘g‘ri keladi.

Aholining huquqiy ongi va huquqiy madaniyatini oshirish bo‘yicha 673 ta (2019 yilda 634 ta) targ‘ibot tadbirlari o‘tkazildi.

Hisobot davrida Markazga jami 606 ta murojaatlar kelib tushdi
(2019 yilda 723 ta). Murojaatlarning 503 tasi ariza (2019 yilda 618 ta),
103 tasi shikoyatlar (2019 yilda 105 ta).

Murojaatlarni ko‘rib chiqish natijasiga ko‘ra, 380 tasiga huquqiy tushuntirish berildi (2019 yilda 531 ta), 196 tasi qanoatlantirildi
(2019 yilda 163 ta), 1 tasi rad etildi (2019 yilda 1 ta), 14 tasi taalluqliligiga ko‘ra boshqa tashkilotlarga ko‘rib chiqish uchun yuborildi (2019 yilda 15 ta), 51 tasi ijroda qoldi.

Markazning Odam DNKsi sud biologik ekspertizasi laboratoriyasi
va Materiallar, ashyolar va buyumlar kriminalistik ekspertizasi laboratoriyalari ISO 17025:2019 standart talablari bo‘yicha xalqaro akkreditatsiyadan o‘tkazildi.

Sud-fonografiya ekspertizasi laboratoriyasi tomonidan
“Sud-kompyuter texnikaviy ekspertizasi” mavzusidagi, Sud-avtotexnika ekspertizasi laboratoriyasi tomonidan “Avtomobil yo‘llar ekspertizasi” va “Transport vositalarining ishlab chiqarilgan yilini va turini aniqlash”, Materiallar, ashyolar va buyumlar kriminalistik ekspertizasi laboratoriyasi tomonidan “Oziq-ovqat mahsulotlari sud ekspertizasi” mavzularidagi ilmiy-tadqiqot ishlari bo‘yicha uslubiy qo‘llanmalar tasdiqlanib, amaliyotga joriy etildi.

Markazining Odam DNKsi sud biologik ekspertizasi laboratoriyasi zamonaviy uskunalar bilan jihozlandi.

O‘zbekiston Respublikasi Prezidentining 2019 yil 17 yanvardagi
PQ-4125-son qarori bilan tasdiqlangan “Yo‘l xaritasi”ning 20-bandi ijrosi yuzasidan “Sud ekspertizalari hisobi tizimi” axborot tizimi ishlab chiqilib, 2020 yil 1 dekabrdan amaliyotga joriy etildi.

Sud ekspertlarining malakasini oshirish o‘quv markazi uchun “Elektron ta’lim platformasi” onlayn tizimi ishlab chiqilib, amaliyotga joriy etildi.

Markazning telegram tarmog‘idagi rasmiy boti “@sudexuz_bot” ishlab chiqilib, takomillashtirildi.

Markazda pullik xizmat ko‘rsatishni qulaylashtirish maqsadida “Payme” elektron pul o‘tkazmalari tizimiga ulandi.

Ukraina Adliya vazirligining xizmat ko‘rsatgan professori N.S.Bokarius nomidagi Xarkov sud ekspertiza ilmiy-tadqiqot institutlari bilan hamkorlik to‘g‘risida Memorandum shartnomasi imzolandi.

Tasdiqlangan ilmiy ishchi dasturlar asosida 20 ta ilmiy tadqiqot ishlari yakunlanib, uslubiyotlar ishlab chiqildi.

2020 yilning 4 noyabr kuni BMTning giyohvandlik va jinoyatchilikka qarshi kurashish boshqarmasining Markaziy Osiyo uchun Dasturi Boshqaruv Qo‘mitasining beshinchi uchrashuvi o‘tkazilib, unda 2019-2020 yillardagi hamkorlikning umumiy natijalari, BMTning giyohvandlik
va jinoyatchilikka qarshi kurashish boshqarmasining COVID-19 ga qarshi munosabati va 2021 yilga mo‘ljallangan ish rejasi muhokama qilindi.

2020 yilning 10-12 noyabr kunlari Rossiya Federatsiyasi Adliya vazirligining Rossiya Federatsiyasi sud ekspertizasi markazi tomonidan “Sovremennыe tendensii razvitiya texnicheskoy ekspertizы dokumentov
i sudebno-portretnoy ekspertizы” nomli xalqaro ilmiy-amaliy onlayn konferensiya bo‘lib o‘tdi.

2020 yilning 18-19 dekabr kunlari Rossiya Federatsiyasining Kaluga davlat universitetida “Aktualnыe voprosы sudebnoy ekspertizы
s uchastiem psixologa. Sovremennыe kompyuternыe texnologii v ekspertnoy praktike” nomli xalqaro ilmiy-amaliy onlayn konferensiya bo‘lib o‘tdi.

Konferensiyada Rossiya, Estoniya, Armaniston, Kanada, Shvesariya, Belorussiya va boshqa davlatlar professor-o‘qituvchilari, ekspert-psixologlari bilan xalqaro hamkorlikni yo‘lga qo‘yish masalalari ko‘rib chiqildi.