Металлар, қотишмалар ва улардан тайёрланадиган буюмлар экспертизаси

Жиноий иш тафсилотларини экспертларнинг физика, металлшунослик, криминалистика соҳасидаги махсус билимлари асосида аниқлаш ва бунда олинадиган маълумотлар металлар, қотишмалар ва улардан тайёрланган буюмлар экспертизасининг предметини ташкил этади.

Ушбу экспертиза қуйидаги масалаларни ҳал қилишга қаратилган:

  1. Диагностик – буюмларда металларни топиш ва турларини ҳамда уларнинг қандай мақсадларга мўлжалланганлигини аниқлаш, металлдан ясалган объектнинг сифат ва миқдорий белгиларини, кимёвий таркибини аниқлаш;
  2. Классификацион – металлар ва улардан тайёрланган буюмларнинг туркумий (гуруҳий) тааллуқлилигини аниқлаш;
  3. Идентификацион – металлардан тайёрланган муайян буюмларни таққослаш ва уларнинг ишлаб чиқариш манбаини аниқлаш, алоҳида қисмларни бир бутунга тааллуқлигини топиш, металл буюмлар ўзаро алоқада (контактда) бўлганлигини аниқлаш.

Матнда хато топсангиз, уни белгилаб Ctrl+Enter тугмаларини биргаликда босинг .