ISO 17025:2019 халқаро аккредитация аттестати

Адлия вазирлиги ҳузуридаги Х.Сулаймонова номидаги Республика суд экспертизаси маркази Ўзбекистонда суд экспертлик фаолияти билан шуғулланувчи муассасалар орасида биринчи бўлиб “Тадқиқот ва калибрлаш лабораторияларининг ваколатлилигига қўйиладиган талаблар” ISO 17025:2019 стандарт талаблари бўйича халқаро аккредитация аттестатини қўлга киритди.

Жорий йилнинг 23 сентябрь куни Адлия вазирлиги ҳузуридаги Х.Сулаймонова номидаги Республика суд экспертиза марказида бўлиб ўтган тадбир, ISO 17025:2019 стандарт талаблари бўйича халқаро аккредитация аттестатини топширилишига бағишланди.

Тадбирда Ўзбекистон Республикаси Адлия вазири ўринбосари – Х.Мелиев, БМТнинг гиёҳвандлик ва жиноятчиликка қарши курашишнинг Марказий Осиёдаги минтақавий ваколатхонасининг раҳбари – А.Миттал, БМТнинг гиёҳвандлик ва жиноятчиликка қарши курашишнинг Марказий Осиёдаги минтақавий ваколатхонасининг миллий кординатори – М.Султанов, АҚШ нинг Ўзбекистондаги миссияси (элчихона) раҳбари ўринбосари – Дебора Робинсон, АҚШ давлат департаментининг Халқаро гиёҳвандликка қарши курашиш ва ҳуқуқни муҳофаза қилиш фаолияти бўйича бюроси “INL” дастур мутахассиси – Азиз Юсупов ва ОАВ вакиллари иштирок этишди.

ISO 17025:2019 стандарти талаблари бўйича халқаро аккредитация аттестатини БМТнинг гиёҳвандлик ва жиноятчиликка қарши курашишнинг Марказий Осиёдаги минтақавий ваколатхонасининг раҳбари – А.Миттал Х.Сулаймонова номидаги Республика суд экспертизаси маркази директори А.Халиловга расман тақдим этди.

Тадбир якунида ОАВ вакиллари Марказнинг аккредитациясига оид барча саволларига жавоб олдилар.